Plantun de Prouvènço

Pèr coumpara dos planto d'encò nostre

Valeriana tuberosa & Grimmia orbicularis

Valeriana tuberosa

Caprifoliaceae Valerianaceae

Nom en français : Valériane tubéreuse.

Descripcioun :
Aquesto poulido valeriano flouris tre la debuto de la primo dins nòsti colo, sus li pendis roucaious. Fai un gros rizoumo tuberous. A dos meno de fueio, entiero à la baso e pennado sus la cambo. Aquesto pòu èstre courteto o mai longo segound que la planto èi mai o mens au vènt.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Valeriana
Famiho : Caprifoliaceae
Famiho classico : Valerianaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1800 m
Aparado : Noun

Liò : Colo - Roucaio - Tepiero seco
Estànci : Termoumediterran à Subremediterran
Couroulougi : Pancaro entresigna
Ref. sc. : Valeriana tuberosa L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.